لەگەل نزیك بوونەوەی تا قی كردنەوەكانی كۆتای ساڵ قوتابی تووشی ترس و دڵەڕاوكێ دەبێت ، پەیوەندی لەگەل واقیعدا دەپچڕێت ، ئەم دیاردەیەش بە دیاردەكی سروشتی دەزانرێت هەروەكو هەموو دیاردەیەكی تر ،چونكە هەموو قوتابیەك دەگرێتەوە زیرەك و نازیرەك. ناپلیۆن پۆنابرد دەلێت : ((بەهێزترین و سامناكترین جەنگم لا پەسەند ترە لە تاقی كردنەوەی قوتابخانە )) ، تاقی كردنەوە هەر تاقی كردنەوەیە لە هەر بوارێكی ژیاندا بێت ، مرۆڤ توشی گیروگرفت و نائارامی دەكات.
بە پێویست دەزانین هەشت ڕێنمایی (ئامۆژگاری ) گرنگ پێشكەش بە قوتابی یە خۆشەویستەكان بكەین وەكو یارمەتی دەرێك بۆ بەهێز كردنی بیر و هزریان و ئەزبەركردنی زانیاری و سەركەوتن لە وانە كانیان دا ، كە بریتین لە:-
1-خاو بوونەوە:
ڕاهێنانی خاو بوونەوەی دەروونی ئەنجام بدە پێش ئەوەی دەست بە خوێندنەوە بكەیت بۆ ماوەی (10) خولەك ،ئەمە ماسوولكەكان خاو دەكاتەوەو ، تاك دوور دەخاتەوە لە پەرت و بڵاوی هزرو بیرو تەركیزیش بەهێز دەكات.
2- بەكارهێنانی هەستیارەكان:-
پێنج هەستیارەكان (بیستن ، بینین ، چەشتن ، بۆن كردن ، بەركەوتن ) یارمەتی جێگیركردنی زانیاری یەكان دەدات لەناو مێشكدا ، هەولبدە بەدەنگێكی كەمێك بەرز بخوێنیتەوە تاكو جۆرە پەیوەندی یەك لەنێوان چاو وگوێدا دروست ببێت.
3- ڕەخنەگرتن:-
لەكاتی خوێندنەوە دا وەك ڕەخنە گرێك ڕەفتار بكە لە نێوان ڕستەكاندا ، كە ئەمەش یارمەتی دەرێكە بۆ بەهێز كردنی تەركیزو لە دوایشدا بیرخستنەوەی خوێندنەوەكە.
4-خواردنەوەی ئاو:
ئاو كاریگەرییەكی زۆری لەسەر مێشكدا هەیە ،مرۆڤ رۆژانە پێویستی بە (8) كوب ئاو هەیە بەلایەنەی كەمەوە بیخواتەوە ،چونكە وشكی مێشك ئازار دەدات و ، بیر پەرت و بلاو دەكات وتاك تووشی گیروگرفتی بیرخستنەوە دەكات.
5- خواردنێكی یەكسان:
خواردنی خواردەمەنیەكی یەكسان لە پرۆتین (گۆشت و هێلكە ) و كاربۆهایدرات (نیشاستەمەنی) ،ئەمانە هەمووی دەبنە هۆی زیاد بوونی ماددەی (الاسیتایل كولین ) ، كەیارمەتی مێشك دەدات لە كرداری بیرخستنەوەدا.
6- نوستنی شەوان:
خەوتنی هێمن و ئارام لە شەواندا وەسیلەیەكی گرنگ و كاریگەرە بۆ چاڵاك كردنی بیر هزر ،لەم كاتەدە مێشك كەمێك ئارام دەبێت و ، بە پیچەوانەی هەموو ئەندامەكانی تری جەستە ناخەوێت بەڵكو بە كردارەكانی زانیاری دادەچێتەوە ،كەم خەوتن كاریگەری لەسەر فێربوونیش هەیە لە كاتی بەئاگایی .
7-خەوتنی دەمەو نیوەڕۆ:
ئەمە دەبێتە هۆی بوژانەوەی بیرچوونەوەو زانیارییەكان و كرداری زیندەكی جەستە رێك دەخات .
8-پێكەنین:-
پێكەنین گرژی یەكان كەم دەكاتەوەو مەعنەویات بەهێز دەكات ، ئۆكسجینی زیاد بە مێشك دەبەخشێت و لە نەخۆشی دەیپارێزێت.
بەهیوای سەركەوتن بۆ هەموو لایەك
ليست هناك تعليقات:
إرسال تعليق