ئاگاداری

* مَرحَباً بِكُم في المَوقِع الرَّسمي لِمُنَظمَةَ مجلس المعلمين القُدوَة * به‌خێربێن بۆ بلوگه‌ری مامۆستایانی پێشه‌نگ * هیوادارین بابه‌ته‌كانی ئه‌م بلوگه‌ره‌ جێگه‌ی ڕه‌زامه‌ندی خوای گه‌وره‌و پاشانیش مایه‌ی سوودی ئێوه‌ی به‌ڕێزیش بێت *

په‌یجه‌كانی ماممۆستایانی پێشه‌نگ له‌

وينةي جولاو


" width="150" />

السبت، 3 نوفمبر، 2012

زانیاری‌ له‌باره‌ی‌ دروستكردنی‌ خانوو بۆ مامۆستایانی‌ كوردستان


زانیاری‌ له‌باره‌ی‌ دروستكردنی‌ خانوو بۆ مامۆستایانی‌ كوردستان ::::



دوای‌ راگه‌یاندنی‌ پرۆژه‌ی‌ دروستكردنی‌ خانوو بۆ مامۆستایانی‌ كوردستان ، بڕیاره‌ یه‌كشه‌مه‌ 21 تشرینی‌ یه‌كه‌می‌ 2012، ده‌ست به‌ دابه‌شكردنی‌ فۆرمی‌ وه‌رگرتنی‌ ئه‌و خانوانه‌ له‌ رێگای‌ خوێندگاكانه‌وه‌ بكرێت، ئه‌ندامێكی‌ سكرتاریه‌تی‌ یه‌كێتی‌ مامۆستایانیش رایده‌گه‌یه‌نێت، نرخی‌ خانوه‌كان له‌ 6ده‌فته‌ردۆلار تا 11 ده‌فتر ده‌بێت و
له‌ماوه‌ی‌ چوارساڵ ته‌واو ده‌كرێت.

ئه‌حمه‌د كه‌ركوكی‌ به‌رپرسی به‌شی‌ په‌روه‌رده‌ و داكۆكی‌ له‌مافی‌ مامۆستایان له‌مه‌كته‌بی سكرتاریه‌تی‌ یه‌كێتی‌ مامۆستایانی‌ كوردستان به‌ خه‌ندانی‌ راگه‌یاند: : هه‌وڵه‌كانی‌ یه‌كێتی‌ مامۆستایانی‌ كوردستان بۆ دروستكردنی‌ خانوو بۆ مامۆستایان سه‌ركه‌وتوو بوو، بۆ ئه‌و مه‌به‌سته‌ له‌گه‌ڵ كۆمپانیایه‌ك رێكه‌وتین سه‌ره‌تا له‌ هه‌ولێر هه‌زار و 13خانوو دروست بكرێت، هه‌ر بۆ ئه‌ومه‌به‌سته‌ له‌ رۆژی‌ یه‌كشه‌ممه‌ ده‌ست به‌دابه‌شكردنی‌ فۆرم له‌ رێگای‌ قوتابخانه‌كانه‌وه‌ ده‌كرێت و تا 6ی‌ تشرینی‌ دووه‌م، به‌رده‌وام ده‌بێت.

راشیگه‌یاند: چه‌ند مه‌رجێك بۆ وه‌رگرتنی‌ و تۆماركردنی‌ ئه‌و خانوانه‌ داندراوه‌، له‌وانه‌ پێویسته‌ ئه‌و مامۆستایه‌ ئه‌ندامی‌ یه‌كێتی‌ مامۆستایانی‌ كوردستان بێت و خزمه‌تی‌ له‌ 10ساڵ كه‌متر نه‌بێت، هه‌روه‌ها دانیشتوی‌ هه‌ولێر بێت و له‌هیچ پرۆژه‌یه‌كی‌ نیشته‌جێبون له‌ رێگای‌ حكومه‌تی‌ هه‌رێمه‌وه‌ سوودمه‌ند نه‌بووبێت.

ئه‌حمه‌د كه‌ركوكی‌، روونیشیكرده‌وه‌: هه‌رساڵێكی‌ خزمه‌تی‌ مامۆستایی و هاوسه‌ر و ژماره‌ی‌ منداڵ به‌خاڵ ده‌ژمێردرێت ، به‌ڵام ئه‌گه‌ر هه‌ردووهاوسه‌ر مامۆستابن ، ئه‌وا دووخاڵی‌ زیاتر وه‌رده‌گرن، دواتر به‌ پێشبركێ‌ ناوی‌ ئه‌و مامۆستایانه‌ راده‌گه‌یه‌ندرێ كه‌ خاڵیان زیاتره‌.

له‌باره‌ی‌ بڕی‌ پاره‌ و ماوه‌ی‌ ته‌واوبوونی‌ پرۆژه‌كه‌ وتی‌: پرۆژه‌كه‌ به‌ ماوه‌ی‌ چوار ساڵ ته‌واو ده‌بێت ، سێ جۆر خانوو له‌خۆ ده‌گرێت (یه‌ك قات ، دوو قات ، شوقه‌) نرخه‌كه‌شی‌ له‌ شه‌ش ده‌فته‌ر تا دۆلار تا 11 ده‌فته‌ر دۆلاردایه‌.

به‌رپرسی به‌شی‌ په‌روه‌رده‌ و داكۆكی‌ له‌مافی‌ مامۆستایان ئاماژه‌ی‌ به‌وه‌شدا، كه‌پێویسته‌ له‌سه‌ر مامۆستا سه‌ره‌تا یه‌ك ده‌فته‌ر دۆلار وه‌ك پێشه‌كی‌ بدات ، كاتێكیش 10%ی‌ خانووه‌كه‌ ته‌واوبوو ئینجا قیستی‌ مانگانه‌ ده‌دات كه‌ به‌سه‌ر 100مانگ دابه‌شده‌كرێ.

سه‌باره‌ت به‌وه‌ی‌ ئایه‌ ئه‌و پرۆژه‌یه‌ بۆ یه‌كجاره‌ یان به‌رده‌وام ده‌بێت، مامۆستا ئه‌حمه‌د كه‌ركوكی‌، رایگه‌یاند: به‌گوێره‌ی‌ گرێبه‌سته‌كه‌ پرۆژه‌كه‌ بۆ یه‌ك جاره‌ و سێ هه‌زار خانوو بۆ هه‌رسێ‌ پارێزگاكه‌ی‌ هه‌رێم دروست ده‌كرێت، بۆ ئه‌مه‌ش له‌ماوه‌ی‌ داهاتوو له‌پارێزگانی‌ تریش ده‌ستپێده‌كات، به‌ڵام بۆ به‌رده‌وام بوون ئێمه‌ وه‌ك یه‌كێتی‌
مامۆستایان به‌رده‌وام ده‌بین بۆ دابینكردنی‌ یه‌كه‌ی‌ نیشته‌جێبوون بۆ مامۆستایان له‌گه‌رمیان و ناوچه‌ دابڕاوه‌كان و قه‌زا و ناحیه‌كانیش، بۆ ئه‌و مه‌به‌سته‌ نوسراومان ئاڕاسته‌ی‌ ئه‌نجومه‌نی‌ وه‌زیران كردووه‌ .

یه‌كێتی‌ مامۆستایانی‌ له‌ ساڵی‌ 1962دامه‌زراوه‌، تاكو ئێستا 12 كۆنگره‌ی‌ ئه‌نجامداوه‌ و 12 لقی‌ شار و شارۆچكه‌كان هه‌یه‌ ، زیاتر له‌ 70هه‌زار ئه‌ندامی‌ هه‌یه‌.
سەرچاوە: سایتی خەندان

ليست هناك تعليقات:

إرسال تعليق