یةكةی نیشتةجێبوون بۆ مامۆستایان دروستده‌كرێت
پارێزگاری سلێمانی بڕیاریدا كارةكانی كوژاندنةوةو بةناوكردنی ئةو زةوییةی كه بۆ دروستكردنی یةكةی نیشتةجێبوون بۆ مامۆستایانی سلێمانی تةرخانكرابوو بةزوترین كات تةواو بكرێت و بدرێت بةوةبةرهێن بۆ دروستكردنی یةكةی نیشتةجێبوون بۆ مامۆستایان. ئةو بڕیارةی بةهرۆز محةمةد ساڵح لةمیانةی پێشوازیكردنی هات له وةفدێكی یةكێتی مامۆستایانی كوردستان بةسةرۆكایةتی كةمال حةمةد ئةحمةد سةرۆكی یةكێتییةكه كه ئةمڕۆ 24-9 سردانی دیوانی پارێزگای سلێمانییان كردبوو. له كۆبوونةوةیةكیشدا كێشةكانی مامۆستایان و كێشه پةروةردةییةكان له سنوری پارێزگای سلێمانی تاووتوێكران. وةفدةكةی یةكێتی مامۆستایانی كوردستان ئاماژةیان بۆ ئةوةكرد كه لةساڵی 2009وه بڕیاری دروستكردنی یكةی نیشتةجێبوون بۆ مامۆستایان دةرچووه، بةڵام بةهۆی كێشةی زةوییةوه تائێستا ئةو بڕیاره بةتایبةت لةشاری سلێمانی جێبةجێنةكراوه، بۆئةو مةبةستةش داوایانكرد پارێزگاری سلێمانی كێشةی كوژاندنةوةو بةناوكردنی زةوییةكه چارةسةر بكات كه بڕیاره پرۆژةكةی لةسةر جێبةجێ بكرێت. له بةرامبةردا پارێزگاری سلێمانی رایگةیاند: ئێستا دةسةڵاتی كوژاندنةوةو بةناوكردنی زةوی گةڕاوةتةوه بۆ پارێزگاكان و لةڕێگةی لیژنةیةكةوه ئةو كاره دةكرێت. وتیشی: هةوڵدةدةین بةزووترین كات ئةو زةوییةی بۆ دروستكردنی یكةی نیشتةجێبوون بۆ مامۆستایان تةرخانكراووه كارةكانی بةناوكردنی تةواو بكرێت و لةسةر پێشنیازو جۆری ئةو یةكانةی یةكێتی مامۆستایان پێشنیازی دةكات بیدةین به وةبةرهێنةر بۆ دروستكردنی یةكةكان. هةر له كۆبوونةوةكةدا كۆمةڵێك پرسی دیكةی بواری پةروةرده تاووتوێكران، لةوانه كێشةی خوێندن له گوندةكان و كةمی و ناڕێكی له میلاكی پةروةردةو پڕۆگرامی خوێندنگه ئةهلییةكان و كێشةی حانوتی خوێندنگاكان.
ليست هناك تعليقات:
إرسال تعليق